Éierung vum SEAT Lëtzebuerg Davis Cup Team
26.09.2024
Tennis national/international
Éierung vum SEAT Lëtzebuerg Davis Cup Team
2024 stounge gläich zwou grouss Reesen fir d’SEAT Lëtzebuerg Davis Cup Team un. Am Februar war et a Kolumbie gaangen, am September huet d'Ekipp missten bis an Neuseeland fléien. Hei konnten d‘FLT-Spiller sech mat 3:2 duerchsetzen an sech esou fir 2025 fir den Opstig an d‘Weltgrupp 1 qualifizéieren.
De Kapitän Gilles Muller konnt a Kolumbien an Neuseeland op de Chris Rodesch, Alex Knaff, Raphael Calzi, Aaron Gil Garcia a Gilles Kremer zielen.
E Mëttwoch gouf d‘Ekipp an der Brasserie Schuman fir hire Succès geéiert. Den Aaron Gil Garcia spillt dës Woch en Tournoi am Ausland a konnt dofir bei der Éierung net dobäi sinn.
D‘Auslousung fir den nächsten Tour ass an den nächsten Deeg.
Fotoen: Val Wagner
