FLT Masters: Titelen fir d'Eléonora Molinaro an de Christophe Nickels
17.11.2024
Compétitions FLT
FLT Masters: Titelen fir d'Eléonora Molinaro an de Christophe Nickels
D'Eléonora Molinaro an de Christophe Nickels hunn d'FLT Masters by Cardif Lux Vie am Simpel gewonnen. Bei den Dammen huet d'Eléonora Molinaro sech an der Finall mat 6:1, 6:2 géint d'Leila Fabbri duerchgesat. Bei de Männer gouf et an der Finall eng 6:4, 3:6, 7:6-Victoire fir de Christophe Nickels géint de Raphael Calzi.
Am Dubbel geet den Titel bei den Dammen un d'Eléonora Molinaro an d'Lucie Rabiot, bei den Hären un de Charles Berna an Noé Plique.
Am Kader vun de Finalle vum FLT Masters goufen e Sonndeg um CNT zu Esch och d'Liz Conzémius, Weltmeeschterin am Blannentennis, souwéi Arendt&Medernach, déi dëst Joer de Corporate-Championnat gewonnen hunn, geéiert.
